O REINO

No tempo aquil

cando os animales falaban,

decir libertá non era triste,

decir verdá era coma un río,

decir amor,

decir amigo,

era igual que nomear a primavera.

Ninguén sabía dos aldraxes.

Cando os animales falaban

os homes cantaban nos solpores

pombas de luz e xílgaros de soños.

Decir teu e meu non se entendía,

decir espada estaba prohibido,

decir prisión somente era unha verba

sin senso, un aire que mancaba

o corazón da xente.

¿Cando,

cando se perdeu,

iste gran Reino?

Breve cometario do poema:
Neste poema, Celso Emilio expresa dalgunha maneira a morriña que sente pola liberdade perdida, a liberdade que tiña e que lle arrebataron co inicio da guerra civil. Unha vez máis, mostra o seu descontento e a súa desconformidade co réxime franquista, como vén sendo habitual na súa poesía.